الله اصطفل بالسوريين و عم يصطفل فيهون , و السوريين اصطفلو ببلدهون و عما يصطفلو فيها , ,و البلد يا حسرة مو طالع بايدها تصطفل !

وان اصطفل الله هالمرة و اصطفلت البلد  , فتصطفل هالبلد متل طفل لسا عم يتعلم يصطفل عن جديد

 متل طفل و شو طفل

طفل ايه , دج .دج . مسووك راسك شوي , ما فيه براءة , ممكن شراسة ممكن سذاجة , مو أكيد , بس مو براءة

هاي طفل هرم  خلق بالبانيو , قال و في امل عن جديد يطلع من البانيو , و اذا قدر يطلع من االبانيو , فيصطفل

اي بالبانيو و شو بانيو

البانيو فيه بالوعة شغالة عطول , و الله يصطفل بميات البانيو ما بينقصو , ممكن يطلع  الطفل و ينخفض المنسوب

و تصطفل البلد اذا طلعت من البانيو ! و شو بيصير بالماي ؟

اي الماي , االمياه , و شو مياه

حدود البانيو ترشح كل ما هب و دب بيطلع ماي , الحدود كلها مرتفعة و البانيو السوري منخفض

الله يصطفل بكل ما هب و دب , كلو بيهب و يدب بهالبانيو و الطفل يا حسرة غرقان و ما عم يعرف يطلع

ختير الطفل يا حسرة و ما عم يعرف يطلع , كبر كتير و ما عم يعرف يصطفل

يا باطل , خايفين من االخرف , خايفين يخرف الطفل

يا حق تصطفل بالخرف قبل ما يهب و يدب متل اللي سبقوه

يا عمي خرف شو و طفل شو و بلوط شو ؟ الله يصطفل بهالحكي

شو هالحكي ؟

طب و إذا طلع الطفل من البانيو  , وين بيروح  الطفل و شو بيصير بالبانيو !! ؟

اوف اوف , و شو هادا البانيو , وين موقعو تحديدا ؟

و شو موقع سورية من الطفل و من البانيو ؟ , و كيف سورية طفل و بانيو بنفس الوقت ! ؟

يا عمي صار بدنا جوجل مابس

مابس مابس , ماب إس , الله يصطفل بجوجل لكن

و يصطفل بمابس

و بالإنكليزي و بالعربي و بكل ما هب و دب من اللغات و أشباه اللغات

و الإشارات و أشباه الإشارات , و يصطفل بالمؤامرات و أشباه االمؤامرات و أنصاف المؤامرات

و يصطفل بكلشي ببالك كردة فعل على ما سبق

و يترك الطفل بحالو

و يفرغ البانيو من محتواه

و يطلع الطفل من البانيو بخير و سلامة , و يصطفل بعدين

و بعد ما يطلع يصطفل , تصطفل سورية

بس التشابيه  صعب تركب على بعضها , و البلد هية صعبة , بلدنا صعب نشبهها بشي , سورية ما الها شبيه

و الدليل ما عم تركب قصة الطفل على البانيو

بس هلق خطر على بالي انو ممكن يكون الطفل هوي الشعب ! , يا باطل , مو معقول

و الله بيجوز معقول , كلشي بيصير

على كل حال سورية غير , ببانيو او بدون بانييو و خلي كل ما هب و دب يصطفلو بالجحيم او بالقطب الشمالي بعيد عن بلدنا

بعيد اكيد انشالله ياحق بعيد

هاي تمنايات , و حق

راح اترك البانيو و الطفل و خلي الكلمات و التراكيب و التشابيه و الإنفعالات و الإسقاطات تصطفل بببعضها

و البلد تصطفل بحالها و ناسها

و بس هيك تقريبا

لأن ما ببين شي جديد مع االطفل حتى تاريخ كتابة هالسطر و اللي بعدو

فيصطفل التاريخ و يصطفل السطر و تصطفل الأسطر

 و الى ان يصطفل االتاريخ و يصطفل الطفل اللي ماني عم اهضمو , نلقاكم في بلد مصطفل جديد , ياحق

 و يا حق كمان شوي ما بعرف !, ايه يالله كلو يصطفل , و بلدنا سورية , اي بلد بلد

بلد و نص

  تصطفل

Advertisements